Korçë, 26 tetor, NOA - Në spitalin e Korçës është paraqitur në gjendje të rëndë shëndetësore, një grua e moshës 41-vjeçare, pasi kishte pirë një ilaç insektesh.
Burimet policore bëjnë me dijeni për agjencinë e Lajmeve NOA se banuesja e qytetit të Korçës është e martuar dhe rezulton të ketë probleme mendore.
Nga veprimet hetimore dhe deklarimet e familjarëve të saj, rezulton se këtë veprim ajo e ka kryer në banesën e saj në Korçë dhe se këtë veprim e ka kryer edhe më parë. Tashmë, ajo gjendet në spitalin e Korçës jashtë rrezikut për jetën.
U kryen veprimet proceduriale për veprën penale të "Shkaktimit të vetëvrasjes së mbetur në tentativë", parashikuar nga neni 99 dhe 22 i Kodit Penal, ndërsa materialet do t'i kalojnë prokurorisë së Korçës për hetime të mëtejshme.
n.e/NOA
