Tuniz, 26 tetor, NOA - Rezultatet zyrtare të zgjedhjeve presidenciale në Tunizi kanë treguar se presidenti aktual, Zine El Abidine Ben Ali, ka fituar mandatin e tij të pestë me rreth 90% të votave të qytetarëve të tij.
Presidenti në fjalë, ka qenë në pushtet për më shumë se 23 vjet dhe asnjë nga sfidantët nuk ka arritur të marrë ndonjë përkrahje të dukshme ndaj atij që gjithmonë ka marrë mbi 90 % të votave në këtë vend.
Rezultatet e dy kandidatëve të afërt me pushtetin ishin konkretisht 5,01 për qind për Mohamed Bouchiha, i Partisë së Unitetit të popullit dhe 3,80 për qind për Ahmed Inoubli i Bashkimit Demokratik Unionist.
n.e/NOA
Â
