Berlin, 28 tetor, NOA - Nëse Serbia ëndërron që të futet në Bashkimin Evropian, ajo në radhë të parë duhet që të ndryshojë politikën e saj ndaj Kosovës.
Një fakt të tillë, eurodeputetja gjermane Doris Pack e ka deklaruar gjatë një tryeze të rrumbullakët të zhvilluar në Berlin, ku ka theksuar se derisa të mos zgjidhet problemi me Kosovën, Serbia nuk do të hyjë në Bashkimin Evropian.
"As ndarja eventuale e Kosovës nuk do të zgjidhte problemin ekzistues. Ai mund të zgjidhet vetëm nëse serbët në Kosovë marrin fatin në duart e veta", tha eurodeputetja lidhur me një fakt të tillë.
Sipas saj, problemi më i madh i Serbisë mbetet mosnjohja e Kosovës, gjë e cila duhet të ndryshojë.
"Serbët e Kosovës duhet të aktivizohen dhe të përfshihen në hartimin e politikës së vendit të vet, ndërsa shansin më të madh e kanë në zgjedhjet lokale gjatë të cilave do të mund të të fitojnë vende në këshillat komunale të Kosovës", vlerësoi më pas ajo.
n.e/NOA
Â
Â
