Tiranë, 28 tetor, NOA - Seanca e radhës e gjyqit mbi zhdukjen e Remzi Hoxhës ka vijuar sot me leximin e dëshmisë së ish-shefit të Shëndetësisë në Shërbimin Informativ Kombëtar gjatë viteve 1992-1998, Ylli Xhaxhika.
Kjo dëshmi, e lëshuar prej tij që në vitin 2003, tregon të gjitha detajet e vizitës që ai i ka bërë biznesmenit shqiptaro-maqedonas, i cili vetëm pak ditë më parë mbushi 14 vjet nga zhdukja e tij pa gjurmë.
Tashmë mjeku Xhaxhika nuk jeton më dhe dëshmia e dhënë prej tij në vitin 2003, mbetet ende si referencë në lidhje me procesin gjyqësor në fjalë.
Në dëshminë e tij, Ylli Xhaxhika ka pohuar se ka vizituar një të panjohur, të cilin nuk e ka pyetur për emrin.
"Ai ishte shumë i dobët fizikisht dhe në kushte të rënda higjenike. Unë nuk e kam pyetur për emrin", thuhet konkretisht në dëshminë, ku shtohet ndër të tjera edhe fakti se kjo vizitë është bërë në një vilë në Lezhë.
n.e/NOA
Â
