Uashington, 29 tetor NOA-Shtetet e Bashkuara të Amerikës deklarojnë se po dalin nga kriza ekonomike globale që përfshiu këtë vit vendet më të zhvilluara të botës.
Sipas statistikave më të fundit, thuhet se ekonomia më e madhe e botës u rrit në tremujorin e fundit me 3.5 për qind në nivel vjetor.
Ky është përmirësimi i parë i regjistruar në rritjen në SHBA për një vit.
Pyetja kryesore është se sa e qëndrueshme është kjo rritje.
Shpenzimet e qeverisë kanë qenë motori kryesor i kësaj rritjeje.
Qeveria amerikane ka derdhur miliarda dollarë në ekonomi, muajt e fundit në përpjekje për ta stimuluar atë.
Por shpenzimet për stimulim janë duke shteruar.
Nëse rritja vazhdon, atëherë pritet të kthehet edhe besimi tek konsumatori amerikan dhe të ulet papunësia.
m.i/NOA
