Tiranë 29 tetor NOA - Familja e një vajze adoleshente është nën ankth pasi nuk di asgjë për vendndodhjen dhe fatin e të zhdukurës, për të cilën është kërkuar edhe ndihma e policisë.
Që prej tre ditësh, familja Mezini, ka denoncuar zhdukjen e vajzës Rezina Mezini (NOA publikon identitetin për të mundësuar gjetjen e saj). Sipas dëshmisë së nënës 48-vjeçare të adoleshentes, lindur në Kukës dhe banuese në rrugën "Lord Bajron" në Tiranë, vajza është larguar nga banesa pa dijeninë e pjesëtarëve të familjes dhe nuk është kthyer më. Kërkime të shumta ka bërë familja e 18-vjeçares, duke pyetur në të gjitha vendet e mundshme ku ajo do të mund të ishte, pro pa sukses. Edhe policia e Tiranës, mësohet se nuk ka mundur ende të lokalizojë vendndodhjen e vajzës në moshë të re, e cila në vend që të gjendej në shkollë, është zhdukur pa lënë gjurmë. e.r/NOA
