Dëshirojmë të ndajmë me ju lajmin se ditën e hënë më 2 Nëntor 2009 ora 10.00, zhvillohet ceremonia zyrtare e çeljes së EUFT, Universiteti Europian i Turizmit, i vetmi i këtij lloji në Ballkan dhe Mesdha¨, ngritur për të përmbushur detyrimet e Komisionit Evropian për politikat e turizmit në Evropë.
Në ceremoni, kanë konfirmuar pjesëmarrjen:
Zëvendëskryeministri dhe Ministri i Jashtëm Ilir Meta
Ministri i Turizmit, Kulturës, Rinisë dhe Sporteve, Ferdinand Xhaferri
Guvernatori i Bankës së Shqipërisë, Ardian Fullani
Zëvendësministri i Turizmit, Kulturës, Rinisë dhe Sporteve, Nikollë Lesi
Rektori i EUFT, prof. Dr. Salvatore Messina
Gjithashtu në ceremoni marrin pjesë profesorë shqiptarë dhe të huaj që japin mësim në EUFT, studentë dhe familjarë të tyre, drejtues të disa institucioneve shtetërore dhe private në vend, rektorë të disa universiteteve shtetërore dhe private, etj.
Ceremonia do të zhvillohet në orën 10.00 ku do të marrin fjalën prof dr. Salvatore Messina, Zv/kryeministri Ilir Meta, ministri i MTKRS, Ferdinand Xhaferri.
Ceremonia zhvillohet në selinë e EUFT, godina 15 katëshe pranë Stacionit të Trenit, në fund të bulevardit ?Zogu i Parë?. Kjo ceremoni shoqërohet me një pritje kokteil për të nderuar të pranishmit.
Gazetarët e interesuar për intervista janë të lutur të mbërrijnë në 09.30.
Jeni të lutur në emër të rektorit të EUFT, prof. Dr. Salvatore Messina, të na nderoni me pjesëmarrjen tuaj.
Ju lutemi konfirmoni pjesëmarrjen tuaj në email: zyraeshtypit@euft.eu ose në telefon: 2 265 265
Zyra e Shtypit dhe marrëdhënieve me Publikun
EUFT - Universiteti Europian i Turizmit
Tel: 00355 4 2 265 265
Email:Â zyraeshtypit@euft.eu
Web:Â www.euft.eu
