Shkup, 1 Nëntor NOA-Një konflikt midis dy grupeve nga Shkupi ka shpërthyer në orët e hershme të mëngjesit të ditës së dielë në kafenenë "Frank Exclusive" në qendrën tregtare "Mavrovasja" në Shkup.
Informacionet e para flasin se pas një rrahje të filluar midis dy grupeve nga Shkupi, Emin.S, 19 vjeç ka rrëmbyer një pistoletë dhe ka filluar të shtijë në ambientet e lokalit.
Nga të shtënat është plagosur me një plumb edhe roja e lokalit dhe me mbërritjen e policisë, janë plagosur dhe dy policë.
Zëdhënësi i Policisë, Ivo Kotevski ka theksuar se janë marrë të gjitha masat për zbardhjen e plotë të këtij incidenti, ku janë plagosur edhe dy pjesëtarë të policisë.
