Tiranë, 3 nëntor NOA - Lëvizja Socialiste për Integrim ka dënuar sot aktin e dhunës ndaj gazetarit Mero Baze.
Zëvendëskryetari i LSI-së, Edmond Haxhinasto ka dalë sot në një deklaratë për mediat ku në emër të Lëvizjes Socialiste për Integrim ka dënuar aktin e dhunës ndaj gazetarit Mero Baze.
"Çdo akt dhune ndaj çdo qytetari, është jo-civil, i dënueshëm, dhe i papranueshëm për shoqërinë tonë.
Shqipëria është një shtet ligjor dhe të gjithë konfliktet, midis individëve dhe institucioneve duhet të zgjidhen ligjërisht nga qytetarët.
I bëjmë thirrje dhe mbështesim organet e Prokurorisë të hetojnë këtë akt dhe të vënë para drejtësisë fajtorët" tha Haxhinasto.
k.k/NOA
