Malësi e Madhe, 6 nëntor NOA - Dy persona të vdekur dhe një i plagosur është bilanci i një aksidenti që ndodhi pak pas mesditës së sotme në veri të vendit.
Ngjarja ndodhi në aksin rrugor Hot-Vermosh, në vendin e quajtur Fshati Brigje, Komuna Kastrat e rrethit Malësi e Madhe kur automjeti tip kamion ma targa SH 4027 E, ka dalë nga rruga duke rënë rreth 50 metra poshtë.
Menjëherë në vendngjarje ka mbërritur policia për të zbardhur rrethanat e aksidentit.
Burime nga policia thanë se kamioni, i cili ka qenë i ngarkuar me lëndë drusore, ka dalë nga rruga si pasojë e motit të keq me shi dhe terrenit të lagur.
Për pasojë kane gjetur vdekjen drejtuesi i kamionit, Gazmend Ujkaj, 34-vjeç banues në fshatin Broje, dhe Pjerin Smajlaj, 30-vjeç, banues në fshatin Rapsha, si dhe ka mbetur i plagosur rëndë Alfred F., 22-vjeç, i cili është dërguar në gjendje kritike për jetën në Spitalin Rajonal Shkodër, ku po i jepet ndihma e parë.
k.k/NOAÂ
