Londër, 7 Nëntor NOA-Duket se nuk janë vetëm shqiptarët që dhunën ndaj grave e konsiderojnë diçka normale kur bëhet fjalë për gruan apo femrën e tyre.
Rezultatet e një studimi të kryer nga qeveria në kuadër të dhunës në familje, kanë shokuar studiuesit pasi vihet re se  1/5 meshkuj pohojnë se kjo ndodh e sidomos kur femrat e tyre përdorin veshje provokuese apo flirtojnë me meshkuj të tjerë.
Këto të dhëna janë grumbulluar nga disa anketime të cilat i ka bërë Qeveria britanike për të hulumtuar dhunën në familje.
Ajo që është e vështirë për t'u besuar, është se gjysma e të anketuarve janë të mendimit se dënimet për përdhunimin e femrave duhet të përgjysmohen, pasi "ajo nuk thotë qartë JO".
1/3 e meshkujve besojnë se femra e dhunuar është gjysmë fajtore nëse ajo ka qenë e dehur.
Po ashtu, ¼ e të anketuarve pohojnë se në rastet e përdhunimit një pjesë e fajit duhet t'i takojë vetë femrës nëse ajo mban veshje provokuese.
m.i/NOA
