Tiranë, 8 Nëntor NOA-Zërave se përmbytjet e krijuara këto ditë në disa zona të vendit erdhën për shkak të mungesës së energjisë në hidrovore, ministria e Energjetikës i është përgjigjur me inspektim direkt në terren.
Me urdhër të ministrit të METE, Dritan Prifti, është ngritur një grup pune i kryesuar nga zv/ministri Leonard Beqiri, i cili do të monitorojë situatën e krijuar prej reshjeve të shiut.
Zëdhënësja e ministrit Prifti deklaroi sot se ky grup pune do të analizojë pa ndërprerje situatën në hidrocentralin e lumit Drin dhe shkarkimet e plota në hidrocentrale dhe do të monitorojë furnizimin me energji, duke e informuar çdo një orë Ministrin e Energjetikës, Dritan Priftin për situatën.
Sipas burimeve të KESH, si pasojë e reshjeve të shiut, niveli i Fierzës ka arritur
në 284 metra, ndërsa prurjet llogariten në 650 metra kub ujë në sekondë.
m.i/NOA
