El Salvador, 9 nëntor, NOA - Mbi 124 persona kanë humbur jetën e mijëra të tjerë kanë mbetur pa shtëpi si pasojë e përmbytjeve në Salvador.
Autoritetet vendore bëjnë me dijeni se një pjesë e tyre mund të jenë shkaktuar nga uragani Ida, i cili tashmë është zhvendosur drejt Gjirit të Meksikës. Qeveria vendase ka deklaruar se tashmë Salvadori është nën gjendjen e jashtësakonshme dhe se dëmi i shkaktuar nga shirat e rrëmbyeshëm ishte i pallogaritshëm.
Përmbytjet, rrëshqitjet e dherave të shkaktuara nga tre ditë me shira pa pushim i kanë bërë rrugët të pakalueshme dhe kanë shkatërruar urat, ndërsa një pjesë e madhe e Salvadorit ka mbetur pa energji elektrike e ujë të pastër dhe e izoluar e pa ndihma.
Kjo është kriza më serioze me të cilën është përballuar qeveria e presidentit Mauricio Funes që kur mori pushtetin para pesë muajve.
n.e/NOA
