Tiranë, 10 nëntor NOA - Ministria e Transportit do të nisë këtë muaj negociatat me kompaninë konçesionare Tirana Aeroport Partners, në mënyrë që të arrihet një marrëveshje për të vënë në punë aeroportin e Kukësit.
Kompania gjermane që ka marrë me konçesion aeroportin e Rinasit ka eskluzivitetin e fluturimeve.
Në këto kushte, vetëm në rast se ajo do të lëshojë pe aeroporti i Kukësit mund të vihet në punë. Ministri Sokol Olldashi ka pranuar sot se brenda këtij muaji do të nisin bisedimet për të arritur një marrëveshje.
Sipas tij është gjetur mirëkuptimi i kompanisë konçesionare për të vënë në punë jo vetëm aeroportin e Kukësit por edhe atë të Sarandës, që qeveria ka në plan të ndërtojë.
Sipas të dhënave nga ministria punimet në aeroportin e Kukësit kanë përfunduar prej kohësh dhe pista është brenda të gjitha kushteve teknike dhe të sigurisë, për pritur ulje- ngritjet e avionëve.Â
Për ndërtimin e aeroportit të Kukësit janë shpenzuar më shumë se 22 milionë dollarë, por fillimi i fluturimeve nga ky skaj verior i vendit mbetet ende në pikëpyetje.
Ky aeroport është nën administrimin e qeverisë shqiptare.
r.l/NOA
