Prishtinë, 16 nëntor, NOA - Komisioni Qendror Zgjedhor i Kosovës ka publikuar deri tani rezultatet paraprake të procesit zgjedhor për 9 njësi lokale mbi procesin e djeshëm zgjedhor që u mbajt në këtë vend.
Pasi Kosova u përball, siç komunikuan edhe vetë ndërkombëtarët, me një proces të qetë zgjedhor, tashmë ka nisur puna për nxjerrjen e rezultateve.
Ato janë komunikuar nga kryetarja e këtij institucioni, Nesrin Lushta, sipas të cilës, gjithsesi, gjatë ditës mund të kemi ndryshime rezultati edhe në këto njësi, pasi aty nuk përfshihen votat me kusht, votat e personave me nevoja të veçanta dhe votat përmes postës.
Ndërkaq, KQZ shtoi se ka numëruar votat e rregullta në disa komuna më të vogla, ndërsa rezultatet e para do të shpallen sonte në orën 19:00.
Gjatë ditës së sotme ndërkaq priten edhe raportet e para të vëzhguesve ndërkombëtarë mbi ecurinë e zgjedhjeve të djeshme të cilat janë cilësuar me rëndësi historike për Kosovën.
Klinë Enver Berisha, AAK - 5.337 vota Haki Morina, PSK - 162 vota Sokol Bashota, PDK - 6.153 vota Pjeter Coli, PSHDK - 459 vota Zenun Zeqa, LDD - 706 vota Adem Gashi, 98 vota Fadil Gashi, LDK - 3.555 vota Ibish Rraci, PSD - 118 vota
Shtime Hetem Pajaziti, AAK - 382 vota Naim Ismajli, PDK - 5.400 vota Enver Ademi, LDD - 1477 Ismail Hasani, LDK - 2.655 vota Halil Halili, PSD- 545 vota
Obiliq Enver Gashi, AAK - 1.965 vota Haki Mjekiqi, PDK - 2.850 vota Hamdi Tovërlani, AKR - 358 vota Aziz Bici - 183 vota Shukri Klinaku, LIB - 1.238 vota Mehmet Krasniqi, LDK - 2.160 vota Sejdi Halimi, PEK - 15 vota Sanije Graiqevci, PSD - 68 vota
Dragash Burim Piraj, AAK - 878 vota Salim Jonuzi, PDK - 4.962 vota Fitim Tefiku, AKR - 392 vota Qasip Kushi, Vakat - 1.609 vota Halim Shemsedini, LDK - 4.652 vota
Junik Agron Kuçi, AAK - 1.081 vota Nimon Tofaj, PDK - 127 vota Ali Kasumi, AKR - 23 vota Shpejtim Gacaferri, LDD - 231 vota Tahir Isufaj, LDK - 622 vota
Hani i Elezit Rufki Suma - 1.833 vota Menduh Vllashi, AAK - 214 vota Mehmet Ballashi, PDK - 1.519 vota Myzafer Dernanji, LDK - 583 vota
Mamusha Berzad Morina, PDK - 333 vota Arif Bytyqi, KDTP - 1.402 vota Mehmet Mazrek, AKR - 197 vota
Ranillug Perica Andjelkovic, SKMS - 167 vota Dragimir Mikic, GIOR - 397 vota
Leposavic Ardita Hasani, AAK - 30 vota
n.e/NOA
