Tiranë, 16 nëntor NOA - Kryeministri, Sali Berisha zhvilloi sot një takim pune me nënkryetarin e Bordit të drejtorëve të CEZ grup, Tomas Pleskac.
Pleskac e informoi kryeministrin Berisha mbi punën e deritanishme, të bërë  nga operatori i sistemit të shpërndarjes kompania CEZ, si dhe prezantoi planin 2 vjeçar  të investimeve.
Ai u shpreh se qëllimi i veprimtarisë së kësaj kompanie në Shqipëri  zhvillohet sipas parimit të përfitimit të dyanshëm, të konsumatorëve shqiptarë dhe kompanisë.
Nënkryetari i Bordit të drejtorëve të CEZ grup, Pleskac, tha se kompania ka një plan ambicioz investimesh për vitin 2009-2010, të cilat do të jenë rreth 8 miliard lekë.
Nga ana e tij, kryeministri Berisha garantoi Pleskac për transparencë dhe përkushtim nga ana e qeverisë shqiptare, për realizmin e planeve të tyre në dobi të shqiptarëve.
Ndër të tjera, Berisha shprehu besimin që bashkëpunimi i qeverisë shqiptare dhe i Entit Rregullator ERE do të jetë gjithmonë transparent, profesional dhe në përfitim dypalësh, si dhe modeli i tregut i prezantuar në këtë sektor do të vazhdojë të mbështetet dhe të përmirësohet më tej.
Duke sugjeruar që Â investimeve në Shqipëri i duhen dhënë nxitje për ti zhvilluar më tej, kryeministri u shpreh se konsumatorët në nevojë do të ndihmohen në mënyrë më efektive nëpërmjet skemave sociale që do të zbatohen nga qeveria.
k.k/NOA
