Tiranë, 16 nëntor NOA - Zëvendëskryetari i LSI-së, Edmond Haxhinasto ka dalë sot në një deklaratë për shtyp me anë të së cilës ka vlerësuar procesin zgjedhor të djeshëm për zgjedhjet e pjesshme në pesë njësitë vendore, në Tiranë, Fierzë, Fushë-Arrëz, Klos dhe Otllak.
"Procesi zgjedhor u zhvillua i qetë dhe në përputhje të plotë me legjislacionin e vendit.
Kam kënaqësinë të evidentoj se numri i votave të LSI-së në 5 njësitë ku u konkurrua shënoi dje një rritje prej 2.6 herësh, në krahasim me rezultatin e saj në zgjedhjet e 28 qershorit. (1052 vota-2702 vota)" deklaroi Haxhinasto.
Sipas tij, kandidatët e LSI-së konkurruan me dinjitet e profesionalizëm duke zhvilluar një fushatë civile dhe duke paraqitur një alternativë mirë qeverisëse në të gjitha këto njësi.
k.k/NOA
