Tiranë, 22 nëntor NOA - Nuk kanë përmbushur detyrimin për deklarimin e interesave private, gjobiten nga inspektorati i Lartë i Deklarimit dhe Kontrollit të Pasurive, 11 subjekte.
Mësohet se ILDKP pas verifikimeve të kryera ka evidentuar raste të mosrespektimit të afateve ligjore për subjektet, të cilët kanë mbartur funksione të ndryshme, si: ish-drejtor drejtorie, ish-punonjës të administratës doganore, ish-deputetë dhe të Zyrës së Regjistrimit të Pasurive të Paluajtshme.
ILDKP ka gjobitur me 20 000 lekë pesë ish-deputetë, si Rexhep Uka, Durim Lamaj, Hajrulla Paturri, Pashko Ujka, Diana Culi. Ndërkohë që është gjobitur Ornela Macaj, Specialiste pranë Drejtorisë së Përgjithshme të Tatimeve, Grid Rroji, Drejtor në Këshillin e Ministrave, Maliq Xhebra, Drejtor në Ministrisë e Mbrojtjes, Eva Nomali dhe Xhuliana Hysi, doganiere edhe Sadik Bica Rregjistrues pranë ZQRPP. Pavarësisht gjobës që kanë marrë, subjektet do të deklarojnë dertimin e interesave private.
