Librazhd, 24 nëntor, NOA - Forcat e policisë së Librazhdit kanë filluar procedimin penal në gjendje të lirë ndaj 44-vjeçarit Nazmi Omeri, lindur dhe banues në fshatin Skroskë të Librazhdit.
Sipas të dhënave të policisë, procedimi ndaj tij filloi pasi gjatë një konflikti për motive të dobëta në afërsi të banesës së saj, ky person ka goditur me sende të forta 50-vjeçaren me inicialet B.Ç, lindur dhe banuese po në këtë fshat, duke i shkaktuar dëmtime në pjesë të ndryshme të trupit.
Materialet iu kaluan prokurorisë së Elbasanit për veprime të mëtejshme mbi veprën penale ‘Plagosje e lehtë me dashje', e cila parashikohet nga neni 89 i Kodit Penal.
n.e/NOA
