Sportistja kuqezi ka qenë mjaft pranë zonës së medaljeve, në peshën 58 kg. Në këtë kategori peshe kanë konkurruar gjithsej 24 peshëngritëset më të mira të botës
Tiranë, 23 Nëntor NOA - Shqipëria po merr pjesë në Kampionatin Botëror të Peshëngritjes për Të Rritur, që po zhvillohet në Kore të Jugut, dhe garimi i kuqezinjve ka nisur me Romela Begajn.
Sportistja kuqezi ka qenë mjaft pranë zonës së medaljeve, por është detyruar të kënaqet me vendin e katërt në botë, në peshën 58 kg.
Në Guojang të Koresë së Jugut po zhvillohet Kampionati Botëror i Peshëngritjes për të Rritur, në të cilin Shqipëria do të përfaqësohet me 3 prej sportistëve të saj më të mirë. Dhe garimi i kuqezinjve ka nisur të hënën me Romela Begajn, e cila ka konkurruar në baterinë A të kategorisë së peshës trupore deri në 58 kg.
Në këtë kategori peshe kanë konkurruar gjithsej 24 peshëngritëset më të mira të botës dhe Begaj ka qenë mjaft pranë zonës së medaljeve, por është detyruar të kënaqet me vendin e katërt në botë, me një total prej 207 kg në dygarësh.
Peshëngritësja 23-vjeçare, e cila u rendit e gjashta në botë në Lojërat Olimpike "Pekin 2008", të zhvilluar vjet në kryeqytetin kinez, ka ngritur 95 kg, duke humbur podiumin vetëm për një kilogram në shkëputje.
Ndërkaq, në stilin e shtytjes, gara ka qenë edhe më e ashpër dhe Romela Begaj ka ngritur në përfundim 112 kg.
Kështu, me 207 kg në dygarësh, ajo është renditur e katërta në botë, çka përbën një përmirësim prej dy vendesh krahasuar me Lojërat Olimpike të 2008-s dhe që premton mjaft për ato të ardhshmet, "Londër 2012".
Përveç Romela Begajt, për Shqipërinë do të konkurrojnë edhe Erkand Qerimaj, në peshën deri në 77 kg, dhe Ervis Tabaku, në peshën deri në 85 kg.
Tre sportistët shoqërohen edhe nga trajnerët e tyre, Zef Kovaçi, Sokol Bishanaku dhe Hektor Shaqiri.
e.r/NOA
58Kg Women Rank Name Born Nation B.weight Group Snatch Cl&Jerk Result 1 LI Xueying 15.05.1990 CHN 57.42 A 107 132 239 2 NOVIKAVA Nastassia 16.11.1981 BLR 57.98 A 100 125 225 3 KALINA Yuliya 24.10.1988 UKR 57.46 A 96 119 215 4 BEGAJ Romela 02.11.1986 ALB 57.52 A 95 112 207 5 SIRIKAEW Pimsiri 25.04.1990 THA 57.35 A 90 115 205 6 GOTFRYD Marieta 11.09.1980 POL 57.83 A 90 107 197 7 GUICHO RECIO Quisia 12.09.1987 MEX 57.22 A 88 107 195 8 TOKESHI Masako 15.06.1983 JPN 57.66 A 85 110 195 9 CHIQUET Agnes 24.10.1984 FRA 57.54 B 83 107 190 10 DE LOS SANTOS Wildry 24.05.1991 DOM 57.72 A 84 106 190 11 QUARTON Emily 09.08.1984 CAN 57.95 B 81 102 183 12 KATZENMEIER Hilary 22.08.1988 USA 57.98 B 81 98 179 13 BAKAMTZUCHE Pilar 10.04.1988 CMR 57.54 B 75 102 177 14 SO Wai Ching 27.07.1982 HKG 55.67 B 36 42 78 --- LIN Wan-Hsuan 19.03.1988 TPE 57.05 A --- 117 --- --- UWAH Margaret 03.11.1983 NGR 56.83 B 80 --- --- --- EVERI Anna 28.04.1987 FIN 57.93 B --- 91 --- ÂÂ
