Zyrih, 26 nëntor, NOA - Skandali i basteve që ka përfshirë futbollin evropian, duket se nuk lë pas nga hetimet e UEFA-s edhe ekipet shqiptare.
Një fakt i tillë u konfirmua nga krerët e lartë të këtij institucioni, të cilët kanë pohuar se do të hetojnë për ndeshje të trukuara edhe ekipet shqiptare të Vllaznisë dhe Tiranës.
Bëhet fjalë për ndeshjen e kthimit të Champions League, Stabaek-Tirana e cila përfundoi me fitoren e kampionëve të Norvegjisë 4-0 si edhe për dy ndeshjet mes Vllaznisë dhe Rapidit të Vjenës, e para e zhvilluar në Vjenë dhe e fituar 5-0 nga austriakët dhe e dyta në Shkodër, ku sërish Rapidi fitoi 3-0. P
UEFA ka kërkuar informacione të detajuara me to nga Federata Shqiptare e Futbollit. Ajo ka deklaruar se deri tani 7 klube janë zyrtarisht nën hetim: Tirana e Vllaznia nga Shqipëria, Dinaburgu në Letoni, Ljubjana në Slloveni dhe Budapest Honved në Hungari. Vetëm pak muaj më parë në Shqipëri u miratua ligji kundër shitjes së ndeshjeve që parashikon deri në 7 vjet burg për abuzuesit.
n.e/NOA
