Vanuatu, 29 Nëntor NOA - Autoritetet në ishullin Vanuatu kanë komanduar sot një kryeministër të ri, një ditë pasi shkarkuan nga detyra atë ekzistues sepse nuk kishte marrë leje për mungesën e tij në mbledhje qeverie.
Ngjarja e rrallë ka ndodhur në ishullin e vogël të Oqeanit Paqësor, Vanuatu, i populluar nga disa dhjetëra mijë banorë, të cilët sikundër shihni dhe në foto, në një pjesë të mirë, jetojnë ende si në vitet e largëta të xhunglës.
Kryeministri i ishullit të vogël në Paqësor, Vanuatu, ka mbetur pa punë, për shkak se kishte harruar të linte një njoftim justifikues të shkruar për mungesën e tij.
Edward Natapei sikundër raportohet nga "Telegraf" ka munguar në tri mbledhje, ndërsa kishte harruar t'i tregonte kryesuesit për mungesën e tij. Natapei kishte shkuar në një udhëtim zyrtar, ndërsa ligji e obligonte atë që të raportonte me shkrim nëse do të mungonte më shumë se 2 mbledhje. Parlamenti i këtij vendi të vogël, menjëherë kishte thirrur seancë të jashtëzakonshme, ndërsa kryeministri më të marrë vesh se kabineti i tij kishte harruar rregullin për 3 mungesa, ishte nisur me urgjencë drejtë shtëpisë së tij nga Trinidadi e Tobago. Deri në zgjedhjen e kryeministrit të ri, javën e ardhshme, Vanuatu do të ketë një kryeministër të përkohshëm.
e.r/NOA
Â
