Zyrih, 30 nëntor, NOA - Përveçse 4 minareve ekzistuese, në terrenin e Zvicrës nuk do të lejohet të ndërtohet më asnjë tjetër.
Ky është vendimi më i fundit që kanë finalizuar zvicerianët duke votuar në favor të një amendamenti kushtetues për të ndaluar ndërtimin e minareve në vendin e tyre.
Ky rezultat në fakt ka tronditut komunitetin mysliman të Zvicrës, i cili përbën rreth gjashtë përqind të popullsisë së këtij vendi.
Ndërkaq, kanë qenë rreth 58 % e votuesve të cilët mbështetën nismën e udhëhequr nga Partia Nacionaliste zvicerane e Popullit, për të kundërshtuar ngritjen e minareve në Zvicërs, me argumentin se janë simbol i pushtetit politik islamik.
Në fakt, anketat e opinionit publik para zgjedhjeve parashikonin se masa do të hidhej poshtë dhe qeveria zvicerane nga ana e saj, u bëri thirrje shtetasve të saj të votonin kundër saj.
Por ja që njerëzit kanë votuar vërtet kundër minareve, duke mbështetur në këtë mënyrë nismën e propozuar nga partia nacionaliste popullore.
Â
Ndërkaq, shumë myslimanë kanë shprehur shqetësimin se një masë e tillë mund të përhapej në të gjithë Evropën, duke përfshirë Francën fqinje, e cila ka rreth pesë milion myslimanë, komunitetin më të madh islamik të Evropës perëndimore.
n.e/NOA
Â
Â
Â
Â
