Tiranë, 1 dhjetor, NOA - Dita Botërore e AIDS, e ashtuquajtura ‘sëmundja e shekullit' e gjen Shqipërinë me një nivel në rritje të prekjes së popullatës prej saj.
Deri tani, numri i deklaruar i të prekurve rezulton të jetë rreth 300, por specialistët e shëndetit dyshojnë dhe për mjaft prekur me virusin HIV, ende të padeklaruar zyrtarisht.
Sipas të dhënave nga Instituti i Shëndetit Publik, vetëm në tre muajt e parë të këtij viti, është konstatuar një rritje me 10 persona i atyre që kanë rezultuar të infektuar me sëmundjen vdekjeprurëse, AIDS.
Megjithëse Shqipëria është një vend me prevalencë të ulët, krahasuar me vendet e tjera Evropiane, gjithsesi shifrat tregojnë për një rritje të numrit të të infektuarve në krahasim me një vit më parë.
Përgjithësisht, rreth 60% të raste, infeksionin e kanë marrë jashtë vendit, kurse pjesa tjetër brenda.
Ndërkaq, problem mbetet pamjaftueshmëria që ka vendi ynë për gjak, gjë e cila ndikon drejtpërdrejt në cilësinë e tij, çka do të thotë se për aq kohë sa numri i dhuruesve vullnetarë do të jetë i ulët edhe gjaku është i pasigurt për qytetarët.
Në një raport të Kombeve të Bashkuara, paralajmërohet se Evropa Lindore dhe Azia Qendrore janë të vetmet rajone në botë ku shkalla e përhapjes së HIV ende po vazhdon të rritet. Raporti thotë se rreth 110 mijë njerëz tjerë janë infektuar me HIV në vitin 2008, duke e çuar në 1.5 milionë numrin e përgjithshëm në Evropën Lindore dhe Azi, krahasuar me 900 mijë sa ishte në vitin 2001.
n.e/NOA
Â
