Bruksel, 2 dhjetor, NOA - Kryeministri i Maqedonisë, Nikolla Gruevski do të takohet nesër në Bruksel me kreun e Komisionit Evropian, Jose Manuel Barroso, ku çështja e emrit bëhet me dijeni se do të jetë në qendër të bashkëbisedimit të tyre.
Javën që vjen do të vendoset nëse Maqedonia do të hyjë në fazën e fundit para anëtarësimit të plotë, por mund të ndodhë që Greqia ta bllokojë këtë proces.
Deri në datën 7 dhjetor, është përcaktuar afati që këto dy vende ta zgjidhin çështjen e mosmarrëveshjeve për emrin, por duket se kjo ka pak gjasa që të ndodhë.
Ndërkaq, në fundjavë, kryeministri maqedonas është takuar me atë grek, me të cilin u tha se nuk arriti ndonjë progres në lidhje me çështjen e emrit të ri të Maqedonisë.
Pritet që takimi i 7 dhjetorit të sheshojë njëherë e mirë mosmarrëveshjet, ndërsa emrat kryesorë që qarkullojnë për Maqedoninë janë "Maqedonia Veriore" dhe "Maqedonia e Re".
n.e/NOA
