Hagë, 2 dhjetor, NOA - Ka nisur në Hagë, para Gjykatës Ndërkombëtare të Drejtësisë seanca e dytë dëgjimore lidhur me ligjshmërinë e pavarësisë së Kosovës.
Eshtë parashikuar që gjatë saj sot të flasin katër shtete, mes tyre edhe Shqipëria, ndërsa të tjerat janë Gjermania, Arabia Saudite dhe Argjentina.
Nga këto, vetëm Argjentina është kundërshtuese e pavarësisë së Kosovës, ndërsa tre të tjerat janë pro dhe e kanë njohur ato, mes tyre edhe Shqipëria një lobuese kryesore në luftën për njohjen e saj.
Sipas të dhënave, seanca e sotme dëgjimore është parashikuar të mbahet tre orë, që nga ora 10.00 deri në 13.00, ndërsa dje ajo ka vazhduar deri në orën 17.00.
Gjatë ditës së parë kanë folur delegacionet e Serbisë dhe Kosovës, ndërsa në mbrojtje të pavarësisë së Kosovës gjatë seancës së djeshme kanë folur edhe disa ekspertë ndërkombëtarë.
n.e/NOA
Â
Â
