Paris, 2 dhjetor, NOA - Gazetari irakian Muntazer al Zaidi i cili u bë i famshëm në tërë botën për këpucët me të cilat goditi ish-presidentin amerikan Bush gjatë një fjalimi në Irak, i ka provuar edhe vetë goditjet e këpucëve ndaj tij.
Ka qenë një gazetar tjetër irakian, që ndryshe nga ai, e mbështet luftën e amerikanëve në Irak, që e ka goditur Al Zaidin ndërsa ai mbante një fjalim në Paris për viktimat e luftës në vendin e tij të shkaktuara nga lufta.
Mediat franceze raportuan se sulmuesi është një gazetar irakian, që ka jetuar në mërgim, dhe njihej si mbështetës i ndërhyrjes amerikane në Irak.
E ndërsa ndaj tij duket se askush nuk merr ndonjë masë, Muntazer al Zaidi vuajti një dënim prej 9 muajsh vetëm se gjuajti një autoritet të lartë ndërkombëtar, siç ishte Xhorxh Bush.
Al-Zaidi e gjuajti me këpucë atë dhe e quajti atë "qen" dhjetorin e kaluar në Bagdat gjatë një konference të përbashkët me kryeministrin irakian Nuri al-Maliki.
Menjëherë pas lirimit nga burgu, gazetari al-Zaidi doli në një konferencë për shtyp ku deklaroi fajtor presidentin Bush për vuajtjet që nga ndërhyrja e Shteteve të Bashkuara në vendin e tij në vitin 2003.
Ai nuk kishte kryer kurrë vepra penale më parë dhe sjellja e mirë gjatë qëndrimit në burg liruan më herët gazetarin i cili ishte dënuar me tre vite burgim.
n.e/NOA
