Tiranë, 3 dhjetor NOA - Rrëzohet aksidentalisht nga një objekt në ndërtim, vdes punëtori 53-vjeçar.
Ngjarja ndodhi dje te ura e Beshirit në Vaqarr të Tiranës kur 53-vjeçari Avni Mezini, ka qenë duke punuar tek një objekt në ndërtim në pronësi të firmës "Construcsion Metalik" shpk dhe është rrëzuar nga lartësia.
Kolegët e tij janë përpjekur t'i japin ndihmën e parë 53-vjeçarit duke e transportuar me urgjencë në spital, por ai ka gjetur vdekjes sapo mbërriti në duart e mjekëve.
Ndërkohë që policia ka mbërritur menjëherë në vendngjarje për të zbardhur rrethanat.
Burime nga policia thanë për agjencinë e lajmeve NOA se punëtori i ndërtimit ka rënë nga pakujdesia dhe materialet do t'i kalojnë Prokurorisë, si ngjarje aksidentale, për veprime të mëtejshme.
k.k/NOA
