Uashington, 7 dhjetor, NOA - Osama bin Ladeni, udhëheqësi i organizatës terroriste të Al Kaedës ndodhet në zonat fisnore të Vaziristanit verior të Pakistanit, megjithëse ka sinjale se kalon një pjesë të mirë rë kohës edhe në zonat e largëta malore matanë kufirit në Afganistan.
Një fakt të tillë e ka bërë me dije sekretari amerikan i Mbrojtjes Robert Gejts, sipas të cilit për vite me radhë Shtetet e Bashkuara nuk kanë patur dijeni rreth vendndodhjes së saktë të bin Ladenit.
Duke theksuar rëndësinë e vrasjes ose kapjen së udhëheqësit të Al Kaedës, ai tha ndër të tjera se në bazë të informacioneve të zbulimit, zyrtarët pakistanezë kanë këmbëngulur për një kohë të gjatë se bin Ladeni nuk është në vendin e tyre.
Nga ana tjetër, ai ka mbështetur gjithashtu vendimin e presidentit Barak Obama për dislokimin fillimisht të 30 mijë trupave shtesë në Afganistan përpara se të fillojë tërheqja e forcave mbas 18 muajsh.
n.e/NOA
Â
