Tiranë, 10 dhjetor, NOA - Në kryeqytetin shqiptar është e pamundur të shkosh në destinacionin e duhur pasi mungon sistemi i adresave dhe ky përbën një paradoks për një qytet që pretendon të jetë metropol evropian.
Një fakt të tillë e ka bërë me dije ambasadori i Komisionit Evropian në Tiranë, Helmut Lohan në një aktivitet për sistemin e adresave, duke ngritur problematikën.
Gjatë fjalës së tij, ai në tërëzi ka shprehur shqetësimin për mungesën e një sistemi adresash në Tiranë dhe në të gjithë Shqipërinë.Për këtë arsye, ai ka kërkuar nga qeveria shqiptare sa më parë krijimin e një sistemi të modern adresash që t'i ndihmojë qytetarët të orientohen në metropolin që po rritet përditë. Ndërkohë, Lohan ka deklaruar se krijimi i kartave të identitetit dhe pasaportave biometrike, është një hap tjetër i rëndësishëm për Shqipërinë.
Nga ana e tij, ministri i Brendshëm, Lulzim Basha ka premtuar se qeveria është e angazhuar që sa më parë të krijojë një sistem modern adresash.
n.e/NOA
