Tiranë, 10 dhjetor NOA -Â "Partia Demokratike, shpreh vlerësimin e saj për marrjen zyrtarisht të "Statusit të Anëtarit të Asociuar" në Partinë Socialiste Evropiane, nga Partia Socialiste e Shqipërisë".
Përshëndetja është bërë sot nga Gent Strazimiri i cili theksoi se PD e vlerëson këtë, si një zhvillim pozitiv që vjen automatikisht si rezultat i faktit, që Shqipëria ka firmosur dhe ratifikuar nga të 27 vendet anëtare të Bashkimit Evropian, Marrëveshjen e Asociim-Stabilizimit, ç'ka përbën një kusht "sine qua non" për një parti, për të marrë statusin e anëtarit të asociuar.
"Me këtë rast, do të ishte e udhës që zoti Rama, të kërkojë ndjesë publike për bilbilat dhe boritë që përdori për të bllokuar firmosjen e Marrëveshjes së Asociim Stabilizimit me Bashkimin Evropian, dhe ç'është më e rëndësishmja, të kuptojë se statusi i ri, është i denjë vetëm për parti që respektojnë rregullat themelore të demokracisë" tha Strazimiri.
I pyetur nga gazetarët e pranishëm për të komentuar faktin që Rama thotë se Partia Socialiste është "anëtare me të drejtë vote" në PES, Strazimiri u përgjigj: "Uroj që të mos jetë si puna e rezolutës, për të cilën Rama mashtroi shqiptarët sikur u miratua duke detyruar PES ta përgënjeshtrojë si mashtrim të Ramës".
k.k/NOA
Â
Â
Â
