Fier, 13 dhjetor NOA - Dy të vdekur dhe një e plagosur rëndë është bilanci i një aksidenti që ka ndodhur para pak çaste në aksin rrugor Levan-Pishporo të Fierit.
Aksidenti ndodhi sot kur një automjet me targa të Vlorës ka dalë nga rruga dhe është përmbysur në një kanal.
Sipas policisë e cila mbërriti menjëherë në vendngjarje, në automjet udhëtonin tre persona dy prej të cilëve kanë gjetur vdekjen e menjëhershme.
Viktimat janë çifti i bashkëshortëve Nebi Mataj 67-vjeç dhe Liljana Mataj, ndërsa e plagosura është një e afërme e tyre, Dallëndyshe Isufaj 49-vjeçe.
Personat po ktheheshin nga një drekë familjare në fshatin Dishan, për në banesën e tyre në Vlorë.
Policia deklaroi se po punohet për të zbardhur rrethanat e këtij aksidenti.
k.k/NOA
