Tiranë, 15 dhjetor NOA - Udhëtonte i armatosur, arrestohet nga policia një 19-vjeçar.
Efektivat e komisariatit të policisë nr.1 në Tiranë arrestuan dje 19-vjeçarin Elton Haka, lindur e banues në Babrru.
Arrestimi i tij u bë pasi dje rreth orës 04.10 dyshohet se në rrugën "Ali Demi" në Tiranë, është kapur në flagrancë nga Patrulla e Përgjithshme, ku pas një kontrolli në automjetin e tij, tip "Volsvagen Golf 3", pa targa, i është gjetur një armë zjarri pistoletë tip "Zastava", një krehër me dy fishekë, një thikë e fabrikuar me dorezë druri me ngjyrë të zezë, të cilat u sekuestruan në cilësinë e provës materiale.
Ndaj të riut rëndojnë akuzat e  "Mbajtjes pa leje të armëve të ftohta" dhe të "Mbajtjes pa leje të armëve e municioneve luftarake".
k.k/NOA
