Tiranë, 15 dhjetor NOA - Përplas për vdekje me makinë një kalimtar, arrestohet 49-vjeçari.
Aksidenti ndodhi mbrëmë në rrugën e "Durrësit" në Tiranë kur Eduart Mullaraj, 49-vjeç, duke drejtuar automjetin tip "Foristradë Chevrolet", me targë TR 4802 R, ka aksidentuar këmbësorin Ismail Ademi, 67-vjeç banues në Tiranë, i cili po tentonte të kalonte nga njëri krah i rrugës në tjetrin.
I aksidentuari u dërgua menjëherë në Spitalin Ushtarak Tiranë, ku edhe pas ndihmës së menjëhershme mjekësore nuk mundi të jetonte.
Në vendin e ngjarjes mbërritën hetuesit e aksidenteve për të zbardhur rrethanat.
Pas hetimeve të para, policia kreu arrestimin e drejtuesit të mjetit për veprën penale të "Shkeljes së rregullave të qarkullimit rrugor".
k.k/NOA
