Uashington, 17 dhjetor, NOA - Në Afganistan kanë nisur të mbërrijnë trupat e para ushtarake shtesë të urdhëruara nga Departamenti amerikan i Mbrojtjes, falë strategjisë së re të hartuar nga presidenti Barak Obama.
Bëhet fjalë për grupin e parë të kontingjentit total prej 30 mijë trupash, të cilët parashikohet të dërgohen shtesë në rajonin e konfliktit të nxehtë, për të cilin Obama konsideron se duhen ende trupa shtesë për të vendosur paqen dhe stabilitetin.
Tashmë bëhet e diturt se anëtarët e batalionit të ri marinsave amerikanë tashmë kanë arritur në Afganistan dhe të tjerë pritet të shkojnë atje gjatë këtyre ditëve të ardshme. Strategjia e re e Barak Obamës për të luftuar më tej Talibanin dhe vendosur stabilitetin në Afganistan u bë publike në fillim të këtij muaji dhe ajo u mkbështet si nga sekretari i Përgjithshëm i NATOs-, edhe nga vendet e tjera aleate.
n.e/NOA
