Tiranë, 17 dhjetor NOA - Prostitucioni po rrit frikshëm shifrat e tij duke u shtrirë në të gjithë vendin. Sipas një studimi të kryer nga shoqata e Aksion Plus pas Tiranës, renditet Durrësi, Elbasani e Shkodra.
Sipas kryetarit të "Aksion Plus", Genci Mucollari, varfëria ka detyruar shumicën e prostitutave nga rrethet të mos preferojnë shumë Tiranën por t'i drejtohen kufijve jashtë vendit për të ushtruar profesionin e tyre.
Mucollari thotë se prostitutat e rretheve vuajnë stigmën e shoqërisë dhe presionin e policisë.
Si pasojë e ushtrimit të profesionit në fshehtësi ato nuk mbrohen ndaj janë të rrezikuara nga shumë sëmundje të rënda infektive si AIDS dhe sëmundje seksualisht të transmetueshme.
Sipas vëzhgimeve të vërejtura thuhet se në rrugët e Tiranës prostituojnë femra nga të gjitha kategoritë që nga vajzat e reja, gratë e martuara e të divorcuara, prostitutat e rehabilituara që I rikthehen sërish profesionit të vjetër si dhe transvesitët.
b.m/NOA
Â
