Milano, 17 dhjetor, NOA - Dita e sotme përkon me atë të daljes nga spitali i San Rafaeles në Milano të kryeministrit italian, Silvio Berluskoni pasi ka qëndruar katër ditë brenda tij pas agresionit që pësoi në një shesh publik.
Kjo parashikohet të ndodhë në orët e pasdites, ndërsa mediat italiane bëjnë me dijeni se kreu i qeverisë italiane sot është zgjuar me shëndet të plotë dhe ka lexuar si përditë që në orën 7 të gjitha gazetat.
Nga ana e tij, shefi i spitalit pohon sesi humori i Berluskonit vazhdon të jetë konstant, por që gjithsesi ka nevojë për kohë që të vijë në gjendjen e duhur dhe të rikuperohet.Bëhet me dije gjithashtu se atij i është rekomanduar dhe ka qenë mëse dakord që të shmangë të gjitha daljet në publik dhe angazhimet politike të paktën për 15 ditë, derisa mund të thuhet se gjendja e tij është mëse normale si më parë.
"I është rekomanduar një periudhë qetësie, gjatë së cilës ne do ta kemi vazhdimisht në mbikëqyrje për treguesit", rrëfen më tej shefi i spitalit të San Raffaeles.
n.e/NOA
