Spanjë, 22 dhjetor NOA - Ylli i Realit të Madridit, Kristiano Ronaldo ka pohuar se nuk është aspak xheloz me yllin e Barcelonës, Lionel Mesi Ky i fundit ka pasur një vit të përkryer, duke fituar gjithçka me Barcelonën, por edhe trofetë më të rëndësishëm individual, të cilët një vit më parë i kishte fituar Ronaldo.
"Lionel Mesi ka luajtur shumë mirë gjatë këtij viti dhe është një futbollist i rëndësishëm i Barcelonës. Por edhe Xavi dhe Iniesta, janë po ashtu të rëndësishëm për Barçën dhe meritojnë ta fitojnë trofeun e lojtarit të vitit. Barcelona është një skuadër që fiton trofe dhe jo e lojtarëve vetjak.
 Barcelona ka fituar gjashtë trofe në këtë edicion dhe pa dyshim është një skuadër e madhe", ka pohuar Ronaldo, duke shtuar: "Secili e merr atë që e meriton dhe unë nuk jam aspak xheloz në Mesin. Unë e përgëzoj për atë që ka arritur gjatë këtij viti. Barcelona ka fituar gjithçka dhe momentalisht është skuadra më e mirë në botë. Ata kanë një stil të veçantë të lojës dhe shumica e futbollistëve të tyre luajnë bashkë që një kohë të gjatë. Me një fjalë, Barça ka një skuadër të shkëlqyeshme. Sidoqoftë në futboll gjithçka është e mundshme dhe ne do të japim maksimumin për të fituar Ligën e Kampionëve"
