Torino, 25 Dhjetor NOA - Gjithmonë ka qenë pjesë në ekipin e Juventus e përherë ka folur me dashuri të madhe për këtë ekip dhe tani ai rikthehet zyrtarisht për të tretën herë tek "zonja e vjetër".
Për të tretën herë pasi në fillim ai ka nisur si lojtar në këtë ekip, më pas ka qenë në rolin e drejtorit të përgjithshëm dhe tashmë mund të themi se ai është zv/drejtor i përgjithshëm i klubit Juventin.
Një rikthim i zhurmshëm ky për Roberto Bettegën pas skandalit të Calciopolit në të cilin ai nuk ishte i përfshirë dhe nuk ka patur akuza për të. Por gjithsesi prezenca e tij si zv/drejtor i përgjithshëm i Juventus është pritur mjaft mirë nga të gjithë, si nga drejtuesit e klubit ashtu dhe nga tifozët e saj.
Me ardhjen e tij Bettega kërkon ta minimizojë këtë periudhë të vështirë që po kalon ekipi dhe kërkon që në vazhdimësi të ketë vetëm fitore dhe Juventus të kthehet në stilin e tij të vjetër.
r.b/NOA
