Pekin, 26 dhjetor, NOA - Nëse Kina do të vazhdojë të hedhë ritmet aktuale që ka në ecurinë e ekonomisë së saj, atëherë me siguri që së shpejti do të renditet si ekonomia e dytë më e fuqishme në botë.
Një fakt të tillë e pohojnë ekspertët ndërkombëtarë të ekonomisë, sipas të cilëve treguesit ekonomikë që raportohen nga Kina premtojnë që ajo shumë shpejt t'i zërë vendin Japonisë si vendi i dytë për ekonominë në botë.
Sipas tyre, është fakt se ekonomia e Kinës po njeh përparime dhe rezultate të mëdha, kjo referuar të dhënave të fundit të konfirmuara nga qeveria e këtij vendi.Sipas tyre, shifra për rritjen ekonomike e vitit 2008 rezulton të jetë 9,6 për qind, duke shtuar se në radhë të parë rritje të madhe ka shënuar sektori i shërbimeve.
Ndërkaq, në tre tremujorët e parë të këtij viti ekonomia kineze u rrit me 7,7 për qind, duke patur një pritshmëri për rritje të mëtejshme në të ardhmen.
n.e/NOA
