Kavajë, 26 dhjetor, NOA - Pesë banesa janë dëmtuar dhe dy të tjera totalisht në fshatin Kodër-Rrogozhinë të Kavajës si pasojë e rrëshqitjes së tokës. Për fat të mirë, nga kjo ngjarje nuk ka asnjë të plagosur, përveçse dëmeve materiale në shtëpitë e lartpërmendura.
Autoritetet lokale kanë bërë me dijeni se dheu ka rrëshqitur për rreth 20 metra gjerësi duke i vënë para banesat.
Ndërkaq, mësohet se 35 banorë kanë mbetur në qiell të hapur pas rrëshqitjes së tokës ndërsa një grup studiuesish po studiojnë tokën dhe rrëshqitjet e dheut.
Komuna e këtij fshati në të njëjtën kohë po mendon edhe për mënyrën sesi do t'i sistemojë banorët e saj.
Rrëshqitjet e tokës janë një dukuri që u përsëritën edhe para pak muajsh në zonën e Kavajës, duke shkaktuar shëmbjen e disa shtëpive disa katëshe dhe rrezik për banorët.
n.e/NOA
Â
Â
