Tiranë, 27 Dhjetor NOA - Një burrë 45-vjeçar i dha fund jetës mbrëmjen e së Dielës, pasi gëlltiti një sasi të madhe helmi që i shkaktoi vdekjen, bëjnë të ditur për agjencinë NOA, burime zyrtare policore. Viktima është Hajdar Malliku, 44 vjeç, baba i tre fëmijëve, me banim në fshatin Prush, i cili ndodhet pranë lagjesn "Kombinat" në Tiranë.
Një grup hetimor që shkoi në vendngjarje, tha se konstatoi viktimën i cili besohet se ishte vetëhelmuar duke pirë disa kokrra fotoksinë, bar që përdoret për luftimin e brejtësve (minjve).
Nga hetimet e para, dyshohet se vetëflijimi erdhi për shkak të gjendjes së rënduar psikologjike, pasi prej disa ditësh, viktima kishte debate të forta për çështje pronësie, me kryetarin e komunës, për tokat e veta.
Hetuesit thanë se janë duke punuar për të zbardhur të gjitha rrethanat e ngjarjes dhe shtuan se janë duke marrë në pyetje disa persona që lidhen me ngjarjen dhe dyshimet e ngritura si dhe familjarët.
e.r/NOA
