Graçanicë, 30 dhjetor, NOA - Komuna e parë e re me shumicë serbe në Kosovë, tashmë e njohur edhe ligjërisht, ka njohur themelimin e saj. Ajo mban emrin e Graçanicës dhe bëhet me dije se ekziston në bazë të planit të Ahtisaarit për statusin e Kosovës së pavarur. Konkretisht, ajo u ngrit mbi bazën e rezultateve të zgjedhjeve komunale të 15 nëntorit, në të cilat u shënua një pjesëmarrje më e madhe në votime e komunitetit serb.
Kryetari i komunës së re të Graçanicës dhe këshilltarët komunalë të dalë nga zgjedhjet lokale të nëntorit kanë dhënë betimin, duke u zotuar për përmirësimin e kushteve të jetës për komunitetin serb. Nga ana e tyre, autoritetet vendore dhe ndërkombëtare kanë mirëpritur funksionalizimin e komunës së Graçanicës sipas planit të decentralizimit, i cili në fajt është pjesë e marrëveshjes për statusin e Kosovës. Ministri i Pushtetit Lokal të Kosovës, Sadri Ferati e ka vlerësuar themelimin e kësaj komune si një ngjarje historike për integrimin e serbëve në Kosovë.
n.e/NOA
