Durrës, 5 janar NOA - Mosha e thyer nuk e ka penguar një 80-vjeçare të thyejë me shkelma derën e fqinjit si dhe orienti të tjera të shtëpisë së tij.
Ngjarja ndodhi dje në lagjen Nr.15 në Durrës, kur N.G., 80-vjeçe ka nisur një sherr për motive të dobëta me fqinjin e saj.
Megjithëse kishin kaluar pak orë nga sherri me fjalë, të moshuarës ende nuk i ishin ulur nervat por përkundrazi e kishin bëtë atë edhe më të "fortë" duke e detyruar të shkonte të hakmerrej ndaj fqinjit.
Kështu 80-vjeçarja ka shkuar pranë banesës së fqinjit dhe pasi ka shkelmuar portën është futur në ambientet e brendshme të banesës ku ka thyer disa objekte si pjata, filxhane, etj.
Pas denoncimit, e moshuara u mor në pyetje nga policia dhe më pas u la e lirë ndërsa do të hetohet për veprën penale të "shkatërrimit të pronës me dashje".
k.k/NOA
