Tiranë, 8 Janar NOA - Në vazhdën e masave të marra për banorët e zonave të përmbytura, përfaqësues të Bashkisë Kamëz kanë vizituar sot zonat e përmbytura e të dëmtuara nga reshjet e ditëve të fundit. Kryetari i Bashkisë së Kamzës Xhelal Mziu së bashku me një grup punenga kjo bashki kanë vizituar sot komunat e përmbytura në zonën e Shkodrës: atë të Dajçit, Anës së Malit dhe Gurit të Zi, etj., për të parë nga afër gjendjen dhe nevojat për ndihmë në këto zona.
Grupi i punës më në krye Kryetarin e Bashkisë z. Mziu është takuar me Prefektin e Qarkut Shkodër dhe me Shtabin e Emergjencave Civile në këtë zonë, ku është konkluduar në ndihmat që do të japë Bashkia Kamëz për t'i ardhur në ndihmë këtyre familjeve.
Asistenca e bashkisë ka konsistuar në 1 000 000 lekë, kontribut ky në ndihmë të familjeve të përmbytura.
Duhet theksuar se kjo ka qenë ndihma e parë financiare nga të gjitha institucionet e tjera shtetërore e private në ndihmë të këtyre familjeve.
Bashkia Kamëz do të vijojë të ketë gadishmërinë maksimale, duke dhënë kontributin e saj financiar e logjistik në shërbim të këtyre banorëve për situatën e krijuar nga reshjet e shumta të ditëve të fundit.
r.b/NOA
