Durrës, 9 janar NOA - Një person i dënuar për falsifikim dokumentesh, duhet t'i paguante shtetit detyrimin e caktuar nga gjykata prej afro dy mijë eurosh por as që e ka vrarë mendjen duke parapëlqyer që më mirë të qëndrojë afro dy muaj në qeli,
Ngjarja ka për protagonist 35-vjeçarin Fatos Bunaci, lindur në Dibër e banues në lagjen Nr.14 Durrës.
Fatos Bunaci ishte shpallur në kërkim nga Drejtoria e Policisë së Qarkut Durrës më datë 12 maj 2008.
Shërbimet policore thanë sot se bënë të mundur kapjen e personit tashmë në kërkim, pasi Gjykata e Rrethit Tirane, me vendim të datës 14 prill 2008 ka bërë konvertimin e dënimit të dhënë më datë 23 tetor 2007.
Bunacit i ishte dhënë detyrimi financiar për t'u likuiduar, në shumën prej 266.666 lekë dhe gjykata këtë shumë e konvertoi me një muaj e 23 ditë burg.
v.q/e.r/NOA
