Firenze, 10 Janar NOA - U bë i mundur vetën ditën e sotme kapja e një palestinezi me emrin Yassir Mohamed 20 vjeç i cili natën e Vitit të Ri sulmoi seksualisht një vajzë 25 vjeçare me origjinë shqiptare.
Palestinezi kishte mundur t'i shmangej asaj situate duke i ikur forcave të rendit të cilët u lajmëruan menjëherë nga kalimtarët që kishin parë atë skenë.
Por ditën e sotme forcat policore të Firenzes bënë të mundur kapjen e tij i cili ndodhej në kufi me Francën dhe po përpiqej të largohej nga Italia. Tashmë ai ndodhet në burgun e Fiorentinos në Solliçiano.
Gjithçka ka ndodhur në orën 02.30 të mëngjesit të 1 janarit në San Silvestro të qytetit Firence në Itali.dhe e reja shqiptare ka pësuar plagë për shkak të dhunës së përdorur gjatë abuzimit seksual.
Sipas denoncimit që bëri 25-vjeçarja shqiptare, emigrante e rregullt, ajo ishte duke kaluar nënkalimin pranë stacionit të trenit të Rifreddi, kur u sulmua nga një mashkull.
Ajo u dërgua në spitalin lokal ku ndodhet nën kujdesin e mjekëve.
r.b/NOA
