Kroaci, 10 janar NOA - Rreth 4,4 milionë kroatë me të drejtë vote zgjedhin sot presidentin e ardhshëm.
Pas dy madateve në detyrë Presidenti aktual Stjepan Mesiq largohet nga posti në shkurt. Në balotazh gjenden Ivo Josipoviq, i Partisë Socialdemokrate në opozitë, dhe Milan Bandiq, kryetar i bashkisë së Zagrebit.Josipoviq ka premtuar se do të zhvillojë një luftë të vendosur kundër korrupsionit dhe se do të angazhohet për anëtarësimin sa më të shpejtë të vendit të tij në BE.
Sipas sondazheve të fundit, Josipoviq i cili në raundin e parë fitoi më shumë se dyfish vota nga kundërkandidati i tij Bandiq, sërish është në epërsi.
