Kavajë, 11 janar NOA - Një 23-vjeçar është arrestuar dje nga shërbimet e Komisariatit të Policisë së Kavajës pasi akuzohet për vjedhjen e një banesë.
Armand Tafa, 23-vjeç, lindur dhe banues në fshatin Lekaj Kavajë u arrestua pasi dyshohet se më datë 6 janar 2010 në fshatin Lekaj Kavajë, ka realizuar vjedhjen e një banese ku janë marrë një sasi parash prej 150 000 lekësh, një televizor Plazma, një armë gjahu Ruse si dhe dokumentet e mjetit Fiat Brava, me targa të huaja.
I riu ishte shpallur në kërkim nga Komisariati i Policisë Kavajë më datë 8 janar 2010.
Në cilësinë e provës materiale u sekuestruan sendet e vjedhura një televizor plazma dhe një armë gjahu Ruse.
k.k/NOA
