Durrës, 12 janar NOA - Dy gra kanë kërkuar ndihmën e policisë pasi dhunoheshin në familje.
Sipas policisë njëra dhunohet nga bashkëshorti dhe tjetra nga vjehrri.
A.M., 27-vjeçe, banuese në Durrës, deklaroi dje para policisë se është dhunuar në mënyrë sistematike duke u rrahur, keqtrajtuar e fyer nga bashkëshorti i saj, shtetasi E.M., 36-vjeç.
Po dje në ambientet e policisë është paraqitur edhe Z.S., 30-vjeçe, banuese në Krujë, e martuar, me një fëmijë e cila pretendon se vjehrri i saj, shtetasi Sh.S., ka ushtruar ndaj saj sistematikisht dhune psikologjike lidhur me një konflikt të nisur para 7 vitesh.
Burime nga policia thanë se për të dy rastet u kryen veprimet e para proceduriale dhe u plotësuan kërkesë-paditë për lëshimin e urdhrave të menjëhershëm të mbrojtjes.
k.k/NOA
